يعني ايه منتدى

السلام عليكم ورحمة الله وبركاته

من العنوان ممكن تكونوا فهمتوا قصدي غلط شويه

المهم


البنت : ماما , تعرفي قريت في المنتدى ان ((أي معلومه مهمه وجديده ))
الأم : وبنظرة استغراب : عرفتي منين ؟!
البنت : من المنتدى !! ((بكل عفوية يعني ))
الأم : انتي بتدخلي منتديات ؟؟
البنت : ده منتدى محترم جدا وبعدين بعرف منه حاجات جديده ومفيده..
الأم : اياكي اسمع انك دخلتي ((البتاع)) ده تاني ... (( ده وبكل نرفزه ))
البنت : ماما , ممكن بس تسمعيني شويه.. المنتدى ده مكان بيتجمع فيه ناس كتير من اماكن اكتر بنعرف فيه الجديد وبنتعلم فيه حاجات كتير اوي يمكن ما نكونش سمعنا عنها..
الأم : وهي بتقاطعها... أنتي سمعتي انا قلت ايه ..
مفيش دخول لمنتديات تاني
وتسيبها وتمشي وهي عماله تتكلم وتقول (( على آخر الزمن بنتي المحترمه , المتربيه , ......, تدخل منتديات وتتكلم مع شباب))
البنت تروحلها : لالا , حضرتك فاهمة الموضوع غلط جدا على فكرة
احنا مش بندخل شات او نقعد نتكلم في حاجات تافهه ,
كل واحد بيكتب موضوع والتانيين بيردوا وبنعرف شخصيات بعض من خلال الردود دي.
الام طبعا مفيش تفاهم
وخلص الموضوع على كده..


تفتكروا ان الموضوع كان لازم يخلص على كده؟؟
ماتقولوش ان دي ام جاهله أو مش متعلمة

لا بيكون في امهات متعلمات وبشهادات عليا كمان

بس ياترى هو فكر معين عندهم ؟؟ ما تقولوش برده ان ده شيء مستحدث عليهم
ما في حاجات كتير مستحدثة ورضيوا بيها

ولا يمكن علشان هي ... بنت ...

يعني ايه منتدى ؟؟
اه انا منكرش فيه منتديات كتير مش كويسه .. بس الانسان السوي عارف هو هيروح فين ويكتب فين؟؟


يمكن راجعة لعدم ثقة؟؟
يمكن !!

ليه بنحط قرارت صارمة بدون تفاهم تخلي الاولاد يعملوا الحاجه دي من ورانا؟؟


انا اتكلمت كتير

عايزه اسمع رأيكم في الموضوع ده