الحلقه الثالثه من مسابقه ( ايوه كداه يا وديع )

وتستمر المسابقه ويستمر عرض المشاهد من الافلام على الاعضاء

واعزرونى اذا كانت المسابقه ماشيه بسرعه شويه

والحلقات يوميه

ولكن دا لان الحلقه السابقه يتم الاجابه عليها بسرعه اكبر من المعتاد

ويتم معرفه اسم الفيلم الحقيقى

ونبدا المسابقه ونشوف وديع وتهامى وصلوا لحد فين

************** ***************** *******************

تهامى : ايه يا وديع غايب بقالك يومين

وديع : استاذ كنت بجيبلك فيم بس ايه من الاخر

تهامى : ياما جاب الغراب لامه

وديع : فيلم النهارده ايه حكايه هنتكلم فيه عن حال مصر فى الستينات

تهامى : يعنى ايه يابنى وضح وهات من الاخر

وديع : فيلم سياسى شويه يا استاذ

تهامى : الله يخرب بيتك انت عايز تسجنا يا بنى ولا ايه

وديع :ماتقلقش يا استاذ بس شوف المشهد دا واكيد هيعجبك

تهامى : امرى لله (وهوا بيكلم نفسه انا حمار انى خليت واحد زى وديع يشتغل معايا ) ورينى يابنى المشهد اللى معاك

وديع : (ينده على البطل الاول والبطل التانى بالدخول )

تهامى : فيه ايه يا وديع فين الستات يابنى فين المزز بتوعك

وديع : اصل الفيلم دا مافيوش ابطال ستات يا استاذ

تهامى : ازاى يا وديع ودا يبقى فيلم ازاى فيلم يبقى ستات وستات يبقى افلام وفلوس امال الناس هتتفرج على ايه

وديع : بس اصبر يا استاذ وشوف المشهد

تهامى : هات ياوديع الناس , شكلك بتكتب استقالتك فى الفيلم دا

***************** *********************** ********************

(يخبط البطل التانى على باب شقه البطل الاول وويدور بينهم الحوار دا )

البطل الاول : ( وهوا بيبص على البطل التانى من فوق لتحت ) مش عايزين لبن النهارده ويقفل الباب

يستمر البطل التانى بالخبط على الباب ويذهب البطل الاول لفتح الباب

البطل التانى : انا مش بتاع لبن با افندى

البطل الاول : (وهوا بيبصله بنفس البصه من فوق لتحت ) اه . .... مش عندنا مكوه النهارده ثم يقوم بغلق الباب

ويستمر البطل التانى بالخبط على الباب ويفتح له البطل الاول

البطل الثانى : انا مش بتاع مكوه يا حضرة

البطل الاول : يبقى مافش زباله واتفضل بقا خلصنا ويقوم بغلق الباب

يدخل البطل الاول للشقه ويكلم الفتاه الموجود بالداخل

الفتاه : برافوا عليك تجنن هايل

البطل الاول : كله من داه وحياتك ويلتفت لفتح الباب بعد ان سمع الخبط مستمر على الباب ويفتح الباب

البطل الاول : ماقولنا مافيش زباله

البطل الثانى : زباله مين يا افندى يا مهزء

البطل الاول : يااااه وكمان بتشتم

البطل الثانى :تقلب البيت كباريه ومش عايزنى اشتم

البطل الاول : انا بمارس حريتى الشخصيه فى شقتى

البطل التانى : مافيش حاجه اسمها حريه شخصيه فيه اصول

البطل الاول : اللللللله انت بتتكلم فى السياسه . . . . . . . . انت عايز تقول ان البلد مافيهاش حريه

البطل التانى : ومين اتكلم فى السياسه

البطل الاول : لا حول الله يارب . . . . . . طب يا بنى مش تعرف انت بتكلم مين الاول بدل ماتضيع نفسك فى شربه ميه

البطل الثانى : (وهوا متلغبط قوى وفى نص هدومه ) يا استاذ اه . . . . انا اه اه . . . . .

البطل الاول : على كل حال هتعرف نتيجه كلامك دا بعدين وساعتها هتبكى مش هرحم عنيك هتشكى مش هسال عليك لانه فيه ناس تانيه هتتكلم معاك مش انا

البطل التانى : والله ياسعاده البيه انا ما اقصد حاجه سيادتك مش فاهمنى

البطل الاول : مع السلامه المقابله انتهت (ويقوم بغلق الباب )

****************** ********************** ******************

تهامى : دا على جثتى يا وديع انى اعمل كدا انت اهبل يا وديع

وديع : استاذ ماتقلقش

تهامى : انت عايز تعملى فيلم الكرنك تانى يا وديع انت ماشوفتش عملوا ايه فى سعاد حسنى

اطلع برررررررررررررره يا وديع

والمره الجايه ابقى هاتلى فيلم فيه مزز يا وديع انت فاهم

برافو يا وديع المسابقه فى تقدم

بس انا اعتقد ان الفلم

احنا مش فى الاتوبيس

صح ولا ايه يا وديع

مافيش فيلم اسمه احنا مش فى اتوبيس

دى كلمه اتقالت فى فيلم بتاع عادل امام فى فيلم التجربه الدنماركيه

شكلها معلقه معاك نيكول سابا اللى كانت فى الفيلم

اه صح فعلا

اعزرنى يا صديقى انا اتلخبطت

هو الفيلم اسمه احنا بتوع الاتوبيس

بتاع عادل امام

» مسابقه ( ايوه كدا يا وديع .. ... .. )
» الحلقه الثانيه من مسابقه (ايووه كدا يا وديع )