لما الرئيس يتعالج بره يبقى الشعب يتعالج فين

كلنا شوفنا وتابعنا حاله الرئيس حسنى مبارك الصحيه خلال الايام الفائته وما صاحبها من عمليه لاستصال الماره فى مستشفى جامعى بالمانيا (مستشفى حكومى المانى يعنى )
وبكد يفتح لنا الرئيس الباب وبيقولنا فى مضمونه لا ثقه للمصريين فى اطباء ولا مستشفيات مصر

سواء كانت حكوميه (طبعا ) او حتى مستشفيات استثماريه
الشعب يتعالج فين ياريس لما انت بتتعالج بره
انت احسن من الشعب فى ايه
وفلوس الشعب اللى انت بتتعالج بيها بره ياترى هتبقى دين عليك
ولا انت تتعالج واحنا ندفعلك ثمن العلاج
انا ما افتكرش انه فى مره سمعت ان الرئيس اتعالج فى مستشفى فى مصر او حرمه او احد ابنائه
اللهم الا بعض الوزراء الغلبانيين اللى مش لاقيين حد يسندهم فبيتعالجوا فى مصر
حتى دول لو لاقوا حد يدافع عنهم اكيد اكيد مش هيتاخروا
قبل الرئيس كان السيد كمال الشاذلى احد الصقور المصريه بيتعالج فى امريكا
وقبلها نشرت اخبار فى الصحب عن علاج زوجه وزير الصحه حاتم الجبلى فى مستشفيات بره مصر واتكلفت اكتر من 2 مليون جنيه وكان علاج حرم السيد وزير الصحه على نفقه الدوله
هيا الفلوس دى كلها مال سايب
ولو فرضنا انها مال سايب ودا التعبير الصحيح لها
يبقى ليه الشعب هوا كمان ما يتعالجش بره
انا بطالب بحقى فى المساواه برئيس الجمهوريه وبطلب العلاج انا كمان بره
انا عندى شويه برد هديين حيلى ومش مخلينى عارف اكل ولا عارف انام
انا عايز اتعالج بره انا كمان
ماهوا اصل الريس مش احسن منى
وخصوصا اننا فى بلد ندعى المواطنه فيها وندعى الديموقراطيه
واقل حق من حقوقو الديمقراطيه انى اتعالج زى الريس ما بيتعالج
ولا ايه رايكوا

لملحوظه / لو حصل واتفاجئتوا انى فى يوم مش موجود معاكوا فاعرفوا ان مباحث امن الدوله قبضت عليا وانهم اعتقلونى
ياريت ياريت تفتكرونى بكل خير
وتعرفوا انه كان فيه واحد معاكوا بيحب البلد دى
بس ما بيحبش سياستها

يا عم محمد قول يارب

لما الرئيس يتعالج بره يبقى الشعب يتعالج فين 402292

انت لسة فاهم دلوقتي يا محمد ان فلوس البلد دي مال سايب؟ّّّ!!
عموما يا ابني معلش اصل احنا عندنا عقدة الخواجة يعني عاوز بقيت البلاد تقول علي ريسنا ايه لما يتعالج في مصر فقير يعني ههههه
كفاية بقي عليك كده بدل ما نروح في داهية هههه

» مصر تبني حاجزاً فولاذياً على الحدود مع غزة..و حماس تقول إن هذا الجدار سيجلب كارثة على الشعب الفلسطيني
» تحطم طائرة الرئيس البولندى ليش كاتشينسكى بروسيا