مصر امى ولا بتشتغلنى

بسم الله الرحمن الرحيم

السلام عليكم ورحمه الله وبركاته

مصر هى امى
ولا بتشتغلني!!!?

انا ابنها وضناها

ولا ابن بالتبنى!!!?

بتفرق ليه مابينى

وبين اخويا الكبير

وتطلع ليه فى عينى

لجل ما يلبس حرير!!!?

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيللا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

بالتالى دخلت جيش

واخويا حظه نار

وبيقبض بالدولار

امى بتديله كوسه

وتصدرلى الخيار

مصر هى امى

ولابتشتغلنى ؟!!

جميله قوى يا صديقى الكلمات دى
بس ياريت كنت تقولنا مين صاحب الكلمات الروعه دى

اما بخصوص الموضوع فانا فى راى ان مصر هيا امنا كلنا

بس العيب مش فيها

العيب فينا احنا
فى الغنى والفقير
فى الوزير والغفير

مش فى واحد بس

لكن العيب فى الاتنين

العيب فى الكبير لانه خد حق اخوه الصغير وعلى وكبر هوا على حساب قوته ورزقه وولاده وبيته

والعيب فى الصغير انه ساكت وما بيتكلمش

خايف جاير

انما ضعيف لاء ... ما اعتقدش